Ki nongrep ha ka thaiñ Nongstoiñ ki la mad ka jingduhnong ba jur mynta u snem ha dien ba u khñiang ula wan lynshop bad pynjulor ïa u riewhadem ha shwa ban kheit.
Ha ka jingjurip ha ki katto katne tylli ki shnong, la lap ba bun ki lyngkha riewhadem ki la shah pynjulor ha u khñiang. Ki nongrep ki ong ba u khñiang ula bam ïa ki soh riewhadem, kaba la pynlong ïa ki ba kin duhnong na kaei ba ki khmih lynti. Kum kane ka jingjia la ïoh jingtip ba ka la jia ha Siejlieh, Nongdom, Umïap bad kiwei ki shnong ha West Khasi Hills District.
Ka Kong Lantina Wahlang na Nongdom Umïap ka la pynshisha ïa kane da kaba pyni ïa ka lyngkha riewhadem jong ka bad plied ïa ki katto katne ki sohriew ba shah bam khñiang. Haba peit bniah la lap ba ki khñiang ki ïasyriem kum ki ñiangpar (larvae) ki don hapoh ban bam ïa u riewhadem.
Ka Kong Lantina ka la ong ba kane ka jingwan lyngshop u khñiang ka la wanrah ka jingduhnong ba khraw ïa ki nongrep mynta u snem. Wat la ki tynrai riewhadem ki dang ieng hynrei ki soh pat ki la shah bam lut ha u khñiang. ka la ïathuh ruh ha shnong Nongdom, katba u riewhadem u la shah pynjulor, u sohbrap pat ula seisoh bha mynta u snem.
You may also like
-
Dawa ka KSU ban mynjur da ka Resolution ban pyrshah tih Uranium ha Domiasiat
-
Pynshlur u Lamphang ia ki samla ban shakri ban pynkylla ia ka lawei
-
U dewiong um neh junom, donkam kiwei ki lad kamai, ong ka Santa Mary
-
Ka sorkar kan khang noh ban wanrah sniang na shabar jylla ‘Shah ktah ki nongrep na ka African Swine Flu’
-
Ki kam pynroi kim dei ban kut tang ha ki project, ka sorkar kan iai trei ban kyntiew ia ki paidbah, ong u Conrad