Ka Raj Bhavan Shillong ryngkat ka jingiatreilang bad ka Shillong Agri Horticulture Society lem bad ka Directorate Horticulture ka sorkar jylla hynne ka sngi ka la pynlong ia ka Flower show, kum shi bynta ban rakhe ia ka Republic Day.Ia kane ka program la plie pyrda da u Lat ka jylla u CH Vijayashankar kaba la long ha phyllaw jong ka Raj Bhavan shillong. U Governor secretary ka Raj Bhavan u Dr B. D. R Tiwari u la ong ka jing pynlong ia ka program flower show ka long ban rakhe ia ka Republic Day kaba kit jingmut na ka bynta ki paidbah ka jylla.
Ia kane Flower Show la pyllong namar baroh la ju tip ba ka Meghalaya ka dei ka jylla kaba itynnad ba bun ki syntiew bad kiwei ki jingthung. Na la liang u president jong ka Shillong Agri Horticulture Society ula ong ba ka jingpynlong ia kane program ban pyni ia ka jinglah ka jylla haba ia dei bad ka rep syntiew bad ruh ban nang Kyntiew shuh shuh ia ka rep syntiew hapoh ka jylla.
Ha kane ka sngi la khot sngwbha ia ki society bad ia ki riew shimet kiba rep syntiew hapoh ka jylla bad kiwei kiwei ki kynhun ba ieid ban pynitynand ia ka Mariang.
You may also like
-
Sei soh ka jingïalang ka sorkar Meghalaya-Assam bad ka seng ki nongñiah tourist
-
T.8 klur shongdor kawei ka lieng kit briew ha Kerala
-
Ong u Bah PT Sawkmie ba u long MLA, MDC bad Minister dei na ki nonghikai
-
Ki Nonghikai ki long ki atiar ba khlaiñ ban saindur ia ka jingim ki khynnah skul: Dr C Lyngdoh
-
Ka VPP ka iuh roit ia ki bor synshar tynrai lyngba ka Land Ceiling Act: Dr OS Jyrwa