Ka Meghalaya State Pollution Control Board (MSPCB) hynne ka sngi ka la bthah ia ka M/S Om Om Coke ba kadei ban pynsahngeh lut ia baroh ki jingtrei ban shna ia ka karkhana sain rnga dewiong ka Coke Plant ha Thlukuru, Wahpungskur ha East Jaintia Hills. U Member Secretary ka MSPCB u Dr. GH Chyrmang hynne ka sngi ula phah ia ka shithi sha ka M/S Om Om Coke ba kadei ban pynsahngeh noh shi syndon ia baroh ki jingtrei hadien ba la pyndam noh ia ka NOC ba la ai da u Dolloi ka Jowai Elaka bad Waheh shnong ka Mookhep.
Ka jingpynsahngeh ka MSPCB ia katei ka kompeni, ka long hadien ba ka Dorbar Shnong Wahpungskur hynne ka sngi ki la dawa na u Member Secretary MSPCB ban pyndam ia ka NOC ka Om Om Coke na bynta ban buh ia ka Coke Plant hapoh u pud u sam ka shnong Thlukuru,Wahpungskur. Haba kren sha ki lad pathai khubor hadien ka jingiakynduh ia u Member Secretary ka MSPCB, u Waheh Shnong ka Wapungskur u bah Postling Dkhar ula ong ba ki la dawa ba dei ban pyndam ia ka NOC ba la ai da u Doloi ka Elaka Jowai bad u Waheh shnong ka Mookhep na bynta ban pynieng ia ka Coke Plant hapoh u pud u sam ka shnong.
Katkum ka jingong u bah Dkhar, na ka liang ka MSPCB ka la kular ba hapoh ka 4 baje hynne ka Lah sngi u Blei, kan pyndam noh ia ka NOC ba la ai da ka Elaka Jowai bad u Waheh shnong ka Mookhep.
You may also like
-
“Ngeit ha lade bad wat kynran dien” kyntu u Dr. Shakil ia ki samla
-
Kan long kaba sngewsih lada ka UDP ka khyllem noh kum ka Party riewlum: Paul
-
Pynlong ka ophis u DSO Nongpoh ïa ka 2nd CMYEP ha Bhoirymbong Block
-
Kyntait u Dr Jemino ban iakhun ilekshon MP
-
Kurup ki Nongïalam Shnong 276 plastik ka Kyiad Pyrsi ha Nongpoh