U MP ka Shillong u Dr. Ricky Andrew J Syngkon ula ong ba ka sorkar India kadei ban pan jingshai na ka sorkar jylla halor ka jingiai bteng ki kam beain ban shalan bad tih dewiong ha kane ka jylla. U Dr Ricky haba kren hynne ka sngi ula ong ba watla ka National Green Tribunal (NGT) ka la khang pyrshah hynrei ka dang jur ka jingshalan bad ka jingtih beain ia u dewiong ha kane ka jylla.
Ula ong ba dang shen u la rah ia kane ka mat ha Iing Dorbar Thawain ka ri bad u kyrmen skhem ba ka tnad Ministry of Coal ka sorkar pdeng kan shim da ka sienjam kaba tyngeh pyrshah ia ka sorkar jylla, halor ka jingbteng ka jingshalan bad tih dewiong.“ Dang shen nga ladep rah ia kane ka mat ha Iing Dorbar Thawain ka ri, ban pynsngew sha ka sorkar India halor ka jingbteng ka kam beain ha ka jingtih bad shalan ia u dewiong bad u shaniah ha ka sorkar India ba kan pan jubab ia ka sorkar jylla halor kane bad kan leh da kaba tyngeh ia kiba donkti ha kane ka kam,” ong u Dr Ricky.
Ula ong ba ka jingjur kine ki kam beain, ka pyni ba kam don shuh ka ain ha kane ka jylla ha ki briew kiba don ha ka bor sorkar.
You may also like
-
Ther u Symbud Myntri ïa Bah Ardent ba pynlong politik halor jingiap khynnah
-
Hapoh ka 2 snem ki liengsuiñ baheh kin sa lah ban hiar ha Shllong Airport
-
Aiti u bah John ïa ki Article 338 bad 338A ha u MP Rajya Sabha ban pynbeit
-
Ka jingkieng blei ba jrong kumba 30 phut ha Mawrah-Rangtmah
-
Da ka duitara rah u rangbah ban tem haba sahmiet sha khlaw, ym da ka mobile