U Symbud Myntri Rangbah ka Jylla ba khmih ia ka tnat Transport u Bah Sniawbhalang Dhar ula ong, ba kan ym don kano kano ka project Lynti Rel ha rilum Khasi-Jaintia katba ym pat ioh ka jingmynjur na ki paidbah. Haba kren shaki lad pathai khubor u Bah Sniawbhalang ula ong, na ka liang u Myntri Rangbah ka Jylla u dang hap ban khot ïa ka jingïalang jong ka All Party Meeting ba donlang baroh ki sengsain pyrthei bad ki kynhun kynhun bapher jong ka Jylla.
U Bah Sniawbhalang ula ong, ba ka Sorkar kan ym shim rai marwei halor ka lynti Rel. “Wat khuslai kan ym don ka project lynti Rel ban treikam lada ym ioh ka jingmynjur na ki paidbah baroh”. Lah ban kdew ha ka 3 tarik Iaiong ka Sorkar Jylla ka la thaw ia ka All Party Committee halor ka mat ba iadei bad ka jingpyniasoh lynti Rel ha ka Jylla Meghalaya.
Katkum ki kyndon treikam, la bthah ia ka Committee ba kan shong bishar bad wad ia ki lad ki lynti ban wanrah bad shna ia ka lynti rel ha Meghalaya. Ka Committee kan sa bishar ia ka jinglut jingsep ka jingpynrung ia ki lynti rel ha ka Jylla bad kan pan jingmut na baroh ki nongshim bynta bad hadien kata ka Sorkar kan sa shim rai.
You may also like
-
Sei soh ka jingïalang ka sorkar Meghalaya-Assam bad ka seng ki nongñiah tourist
-
T.8 klur shongdor kawei ka lieng kit briew ha Kerala
-
Ong u Bah PT Sawkmie ba u long MLA, MDC bad Minister dei na ki nonghikai
-
Ki Nonghikai ki long ki atiar ba khlaiñ ban saindur ia ka jingim ki khynnah skul: Dr C Lyngdoh
-
Ka VPP ka iuh roit ia ki bor synshar tynrai lyngba ka Land Ceiling Act: Dr OS Jyrwa