Ioh khusnam ka Meghalaya ia ka jinglah pynrung kyrteng Aadhar ia ki paidbah

Ka Jylla Meghalaya ka la ioh pdiang ar tylli ki khusnam na ka Unique Identification Authority of India (UIDIA) ha ka jingialang jong ka Aadhar Samavaad 2025 ha ka 8 tarik Iaiong ha Bharat Mandapam Convention Centre, New Delhi. Ka jylla Meghalaya ka la ioh khusnam kum ka jylla ba bun tam ba leh ia ka Mandatory Biometric Updates (MBU) na bynta ki khynnah bad ia ka khusnam kum ka jylla ba biang ha ka Verification ia ka jingpynrung kyrteng Aadhar ia ki rangbah. Ia kitei ki khusnam la shimti da u Bah Shai Kupar War u Nodal Offcer (Aadhar) General Administration Department (GAD) ka sorkar Meghalaya.

Ha ka kyrwoh khubor, u Deputy Secretary ka GAD ula pyntip ba ka jingioh ia kitei ki khusnam ka pyni ia ka jinglah jong ka jylla ban pynkhlain ia ka jingshakri lyngba u Aadhar bad ban pynthikna ia ka jingpynrung kyrteng ia ki khynnah bad ki rangbah ha kylleng ka jylla Meghalaya. U Dr Joram Beda u Commissioner & Secretary ka jylla uba long ruh u Nodal Offcer ka jylla ba peit ia u Aadhar, ula pynpaw ka jingsngew nguh ban ioh ia ka ka jingjop bad ula bynrap ka jingjop ka pyni ia ka jingtrei shitom ka kynhun Aadhar naduh ki shnong, ki ophisar ha ki District bad ki nongtrei ha ka liang Technical bad ula ai khublei ia baroh kiba donkti ban noh synniang ia ka jinglah ban trei bha ia ka kam.

Ka Tnad GAD ka ieng skhem ban iatrei ryngkat bad ka UIDAI bad ki tnad bapher bapher ban pynjanai shuh shuh ia ka rukom treikam ban pynrung kyrteng Aadhar ha ka jylla Meghalaya bad ban pynthikna ba man la ki nongshong shnong kin ioh ka jingithuh kyrpang (Unique Identity) bad ia ki lad jingmyntoi na ka sorkar.