U Myntri ka Tnad Public Health Engineering (PHE) u Marcuise N Marak hynne ka sngi ula pyntip ha ka iing dorbar thawain ka jylla, ba ka New Shillong Water Supply Scheme (Phase-I) kan pynbiang umbam umdih haduh 70 Million litar man ka sngi hapoh u snem 2057 katba ka Greater Tura Water Supply Scheme kan pynbiang umbam 30 Million litar shisngi hapoh u snem 2055. Haba jubab ia ka ‘Cut Motion’ u Marcuise ula iathuh ba ka New Shilong Water Supply Scheme (Phase-I) kala ioh ia ka jingmynjur ha ka 15 tarik Lber 2024 ha kaba la mang ban pynlut pynsep T.538 Klur lyngba ka State Plan bad ia ka kontrak jongka Engineering, Procurement & Construction (EPC) la ai sha ka M/s BAC Infratech Private Limited ha ka 26 tarik u Jylliew 2024 lyngba ka Open Tender bad la ai por ban pyndep hapoh ka 2 snem.
Na ka bynta kane ka projek, ka tyllong jong ka um kan dei na ka Wah Umkhen bad ia kane ka project la pynwandur ban pynbiang ia ka umbam umdih ia ka New Shillong Township bad ki 32 tylli ki shnong kiba don marjan kaba kot sha ka 4.14 lak ngut ki nongshong shnong bad ka um ka ban pynpoi kan long haduh 70 million litar shisngi hashuwa u snem 2057.
Katba ha kaba iadei bad ka Greater Tura WSS u Myntri ula pyntip ba kane ka skhim kadei kaba la ioh jingmynjur ha ka 31 tarik Kyllalyngkot 2025 ha ka jingmang pisa ba kot T.398.48 klur bad lyngba kane ka skhim yn tan um na ka wah Ganol bad kan pynbiang umbam umdih ia 2,69.763 ngut ki nongshong shnong bad kan ai jingmyntoi ia ki longiing ka sor Tura bad ia ki jaka treikam bapher kiba don hapoh Tura.
You may also like
-
Sei soh ka jingïalang ka sorkar Meghalaya-Assam bad ka seng ki nongñiah tourist
-
T.8 klur shongdor kawei ka lieng kit briew ha Kerala
-
Ong u Bah PT Sawkmie ba u long MLA, MDC bad Minister dei na ki nonghikai
-
Ki Nonghikai ki long ki atiar ba khlaiñ ban saindur ia ka jingim ki khynnah skul: Dr C Lyngdoh
-
Ka VPP ka iuh roit ia ki bor synshar tynrai lyngba ka Land Ceiling Act: Dr OS Jyrwa