Ka Voice of the People Party (VPP) ka la dawa ba dei ban weng noh mardor ia u Vijay Mantri kum u Commissioner & Secretary ka tnad Pule puthi ka jylla.
U President ka VPP u bah Ardent Miller Basaiawmoit ula pynpaw ka jingsngewkhia halor ka jinglong jingman ka pule puthi ha ka jylla. Ka rukom pyniaid bad treikam ka pule puthi ha ka jylla khamtam hapoh ka jingkhmih jong u Vijay Kumar Mantri kum u Commissioner & Secretary, kynthup ia ki polisi kiba iadei bad ka jingsiew tulop, ka bha ka miat ki nonghikai ha ki skul deficit, ki kyndon treikam, ka la pyllong ia ki nonghikai ban don ha ka jingsyier.
“Ka rukom pyntreikam ia kine ki polisi, ka long kaba khlem suidniew ia ka jingmyntoi ki nonghikai bad ka imlang sahlang baroh kawei. Ka pule puthi ka jylla kam lah ban pynshongnia tang halor ka jingbit ki heh sorkar, da kaba kyntait noh ia ka jinglong jingman ka imlang sahlang,” ula ong.
Namarkata ka VPP ka la dawa ba dei ban weng mardor ia u Vijay Kumar Mantri kum u Commissioner & Secretary ka pule puthi bad ka la dawa ia ka jingialam kaba sngap ia ki nonghikai, kiba burom ia ka jingshisha bad kaba buh ia ka jingmyntoi ki khynnah bad ki paidbah ka jylla hakhmat ban ia ka bit ka biang ki heh sorkar.
You may also like
-
Ka bym pat ju jia hapoh 40 sngi ka UDP na ki 12 ngut sa tang uwei u MLA: Bah Paul
-
Ha ka sien nyngkong pynlong jingialang ka Joint Parliamentary Committee halor ka FCRA Bill ha Shillong
-
Hab sah iing wai ki nongtrei ka Hospital Mynnar Jirang, mad jingeh ki nongpang
-
Pynkup burom u MLA ia ki riew rangbah, ki samla pule bad nongialehkai
-
Bteng ka Assam ban klun jaka ha Meghalaya