Ha ka sngi rakhe dap 114 snem, pynshai ka YHAI ki kabu ia ki samla ban shangkai pyrthei… anchor

Ka Youth Hostel Association of India (YHAI) Meghalaya State Branch mynta ka sngi ka la rakhe burom ia ka lyngkhuh ba 114 snem da ka shad ka tem ban pynlong ia prokram kaba jop, ha ka jingshisha ka lyngkhuh snem ka dei la shai ka sngi 24 tarik namar ka dei Sngi u Blei la rakhe noh mynta ka Sngi saitjain namar ka don ruh ka ilekshon jied nongkitkam thymmai jong ka YHAI Meghalaya.Ha kane ka sngi ka Kongsan ka long Maraumi Goswami ka National observer bad ka Chairperson jong ka YHAI Assam ha ka jingdonlang u bag ED Nongsiang state Chairman ki nongkitkam ka YHAI Meghalaya bad ki dkhot na ki District Unit khynnah skul kiba shim bynta ha ki iakop bapher bapher bapher.

Ha ka jingkren ka Maraumi Goswami ka la pynpaw ka jingkmen ba iadonlang ha kane ka Sngi khraw ban rakhe ia ka jingdap 114 snem ka YHAI kaba seng da u Richard Schirrmann u nonghikai na Germany ha u snem 1912.Kumjuh u bah ED Nongsiang ula iathuh ba ka jingdon bynta jong u ha YHAI ula ioh lad ban shang kylleng ka Ri bad shabar Ri. U la pynshlur ia ki khynnah samla ban pyniasoh ia lade kin ioh ki kabu ban leit shang pyrthei kylleng ka ri, namar ban leit hi shimet phin ym lah namar ka ktah bun ka jinglut kumta kiba sngewtynnad ban shangkai ki lah ban iasoh bad YHAI hynrei ki donkam ban trei shitom ban ioh shang pyrthei.

U la iathuh ka YHAI Meghalaya ka ju pynlong ia ki prokram bapher kum ki trekking bad caving ne ka jingiaid kajat bad rung krem ban lap ia ki jingdon jingem ba phylla jong ka mariang ha jylla Meghalaya bad ki briew na kylleng ki jylla ki ju wan shim bynta ha kine ki prokram ba ju pynlong ha ki bnai Nailar, Risaw man u snem.Ha kane ka sngi la sam khunsnam ia ki nongjop ha ka iakop dro dur ba la pynlong kum shim bynta ban rakhe ia ka sngi pynneh mariang ha u bnai jylliew bad kiwei kiwei.La ioh ka jingkren pdiang da u bah R Rapthap, State President YHAI bad ia ki kyntien ai khublei na u D Chakraborty, State Secretary YHAI.