Iaid paidbah ka MSWC ba shah leh bein ki kynthei

Ka pynsngewthuh ia ki jingshah thombor shah ñiew bein ki kynthei, ka Meghalaya state women commission mynta ka 3 tarik u Nohprah ka la pynlong da ka jingiaid paidbah ban sngewthuh halor ka jingshah leh bein ki khynthei ha kiba bun ki liang. Shi bynta halor kane, la pynlong ia ka drama lyngkot ban pyni kum ba ki Longkmie ki shah lehbein. Ka riew ain kaba dei ka dkhot ka Meghalaya State Women Commission, ka kong Joy Grace Syiem ka pyntip ba ka jingpynlong ia kane programme ka long shibynta ban pynshai paidbah sha ki nongshong shnong ka jylla ban kiar na ka jinglehbein ia ki kynthei hynrei ban iada ia ki.

“Kane ka dei ka jingialap paidbah kylleng ka pyrthei. Kam dei tang ka jingpyrta ia ka jingshah thombor ki kynthei hynrei ka dei ruh halor ka ioh kam ioh jam bad kiwei ki jingeh ki kynthei”, la ong ka kong Joy. Katba ka Kong Ani Sohtun ka la ong ba ka jingsdang kane ka program ka dei naduh ka 25 tarik u Naiwieng kaba dei ka sngi ba ki pyrshah ia ka jingshah leh beiñ ki kynthei ha kylleng satlak ka pyrthei ba la ju tip ka National Days, bad yn pynkut pat ha ka 10 tarik u Nohprah kaba dei ka world human right Day.

Ka la ong ruh ba ka jingthmu jong kane ka programme ka dei ban pynkynmaw bad ban sangeh shi syndon ia ka jingshah lehbein, ka jingshah leh beijot, ka jingshah rahbor ki kynthei bad ha kiwei kiwei ki kam thombor ia ki kynthei.