Kiew 6 tylli ki Rape Case ha EWKH Pyrta ki longkmie ‘sangeh ka kynnoh sdang ban iada’

Ka Meghalaya State Rural Livelihoods Society ha ryngkat bad ka District Mission Management Unit Eastern West Khasi Hills District, ha ka 3 tarik u nohprah 2024 ka la pynlong ïa ka District and Block Level Gender campaign halor ka phang pdeng kaba ong “No Excuse, Unite to End Violence against Women” kaba mut “Ym don jingpynrem, ka jing ïatylli ban pynkut noh ïa ka jingshah lehbein ïa ki kynthei”. La sdang ïa kane ka prokram daka jing iaid paitbah ha ryngkat ki jngthoh kiba kren iaka jingshah ban bein jong ki kynthei khynnah ha ryngkat ka jingpyrta kaba ong “sangeh ka kynnoh sdang ban iada”. Ha kane ka prokram bala pynlong ha madan ïalehkai phutbol jong ka St. Thomas Higher Secondary School, Mairang la wan ban iadon ryngkatlang daka Deputy Commissioner ka Eastern West Khasi Hills District ka kong Mitali Chandra kaba la long kum ka kongsan bad kaba la ioh ruh ban plie paidbah iaka Gender Campaign ka ban neh haduh 15 sngi.

Kiwei pat kiba la iadonlang ki kynthup iaki heh ophisar ka District nalor ki dkhot bad ki nongkitkam jong ki Village Organization bad ki Self Help Group. Shuh shuh ha kane ka prokram la ioh ruh iaka jing pynshai na ki nong mihkhmat na ka District Legal Services Authority, West Khasi Hills District, na ka One Stop Centre Mairang bad na ka tnat Pulit kiba la ai ïa ki jingpynshai kiba iadei bad ki lad jingïada kiba katkum ki aiñ na ka bynta ki kynthei kiba ngat ha ka jingshah thombor bad kiwei kiwei ki aiñ ban ïada ïa ki kynthei ki khynnah.

Ha kane ka prokram la ioh ruh ban sam ïa ki syrnot sha ki dkhot jong ki Village Organization kiba la trei shitom haki bynta bapher bapher bad kiba la iarap haka bha ka miat haka imlang ka sahlang bad la ioh ruh ban sam iaki sernot sha kiba don jngduna haki dkhot met.