U President ka Khasi Student Union (KSU) u samla Raymond Kharjana ula ong, ka along ka dei ka bynta ban phrang bad pynsatar ia ka mynsiem jingialeh na bynta ki dawbah jong ka jaidbynriew.
Ia kane u samla Raymond ula kren ha ka por ba ki Pulit ki rah hynne ka sngi ia baroh 3 ngut ki nongialam ka KSU sha District Session Court hadien ba la pynngat kyndon thymmai ain pyrshah ia ki.
Haba kren sha ki lad pathai khubor u samla Raymond ula ong, “Kane ka dei ka jingpyrshang ban pyntynjuh ia ki nongialam ka seng bad kane ka long na ka por sha ka por, hynrei ngi kwah ban pynshai ba ka along ka dei ka bynta ban phrang bad pynsatar ia ka mynsiem ialeh na ka bynta ka dawbah ka jaidbynriew”.
Kum ban pynpaw 4 ngut ki nongialam ka KSU, kata u President Raymond Kharjana, vice president Pynkmenlang Sanmiet, general secretary Ruben Naijar bad Assistant organizing secretary u samla Jeremiah Pohtmi ki la shah kem namar ka huri hura ba la jia ha ka por pynlong Rally ar shaka ha ka 19 tarik Nailar ha Shillong.
You may also like
-
Pynskhem ka HNYF ia ka snat treikam ha shnong Umtrai
-
Phi la ai lad ia ka Congress bad Seng Riewlum, ai lad sa ka BJP ban synshar ha Jylla: Bah Sanbor
-
Ka Bangladesh ka khyrdop ban pyniaid iew ia ki mar shabar Ri: ong u Sniawbhalang
-
Plie u Bah Sanbor ia ka Cultural Complex ka Seng Khasi Raid Laban ba T.9 klur
-
Ka VPP kan jop biang ia ka ilekshon MP, ngin knieh ia ka bor synshar ha u 2028: Bah Ardent M Basaiawmoit