Ka Hunger Free World da ka Malabar Group ka pynpaw ia ki jingkylla ba la ioh lyngba ka jingioh ia ka jingbam ba man la ka sngi 

Ha ka sngi rakhe ia ka sngi World Hunger Day, Hunger Free World, la pynlong ia ka sienjam treikam na ka bynta ki khun bynriew ia kaba la pynlong da ka Malabar Group, kaba pyni ia ka jingkylla lyngba ka jingleh ia ka prokram sam bam ha ki surok bad lynti syngkien ne ka Street Meal Distribution Programme ha kaba la iohi ia kane lyngba ka kaiphod Rehabilitation Impact Report: Impact Stories, How a Daily Meal Opens the Door to a Transformed Life. Kane ka kaiphod ka lum jingtip kumno ba ka jingbam ba man la ka sngi ka por, kumno la pyntrei ia ka kam da ka Thanal, ka la iarap ia ka jingpynlait im, ka jingkyrshan ha ka liang ka jingsumar, ka jingpynioh ia ki jaka rieh tngen, ka jingpynioh biang ia ka burom, bad ka jingpyniatylli ia ki longiing longsem khamtam ia kito ki briew kiba duk ba kyrduh kiba im ha surok.
La thaw ia ka Street Meal Distribution Programme ban iarap ia kiba thngan lyngba ka jingpynioh ia ka bam kaba tei na ka por sha ka por. Katba nang iaid ki por, kane ka sienjam treikam ka la long kum ka jingkieng kaba lah ban pyniasoh sha ka rukom sumar kaba kham jylliew, namar ba ka jinglah ban poi man la ka sngi ka iarap ia ki nongtrei kiba trei ha madan ban tei ia ka jinshaniah, ban peit ia ka jingkylla ha ka liang ka koit ka khiah bad ka jinglong, ban ithuh ia ki jingeh, bad pyniasoh bad ki nongioh myntoi ban ioh shuh shuh ki jingkyrshan kiban pynbha ia ka jingim jong ki. Kane ka kaiphod ka la nang pynkhlain ba ka jingngeit kaba ha pdeng jong kane ka prokram ka long ba ka bam, haba la sam khlem pud bad da ka jingpynleit h Kane ka prokram ka treikam mynta ha kylleng ki 20 tylli ki jylla ha ri India bad ha ki khyndai tylli ki ri kynthup ia ki hynriew tylli ki ri GCC, USA, UK bad Zambia, kaba la lah ban poi ruh sha ki 1,43,000 ki nongioh myntoi lyngba ki ar tylli ki sienjam treikam kiba heh: Micro Learning Centres bad ka Street Meal Distribution Programme.
Haba kren shaphang kane ka sienjam treikam, U M. P. Ahammad, Chairman, Malabar Group, u ong, “Ka bam ka lah ban I long kaba malu mala, hynrei haba la pynpoi khlem pud bad da ka jingpynleit jingmut ia ki briew, ka kylla long kaei kaei kaba ym dei shuh tang kum ka bam. Lyngba ka Hunger Free World, ngi la iohi kumno ka jinglah ban poi sha ki briew ka iarap ban thaw ia ka jingshaniah, bad kata ka jingshaniah ka kylla long ka nongrim ba skhem na ka bynta ban pynioh ia ki jingpynbha, ka jingioh ia ki jingsumar, ka jingkyrshan ia ka jingsngew, bad ka jingioh biang ia ka burom. Kine ki khana ki nang pynskhem ia ka jinglong kongsan ia ka jinglaha ban pynneh ka jingiadei bad kito ki briew kiba mad bad iakynduh jingeh, ha kaba ka jingiasngewlem ka lah ban wanrah ka jingkylla kaba don jingmut ha ka jingim ka jong u briew.”
Ha kylleng ba la pynlong iaka Street Meal Distribution Programme, bun na ki briew kiba pyni ba kumno ka bam ba khlem pud ka lah ban plie ia ka lad sha ka jingsumar kaba jylliew. Ha Nagercoil, uwei u riew tymmen uba la ioh pdiang ia ka bam hajan ka jaka ap bus u la lah ban poi sha ka jaka ri tymmen hadien ba u la pynsngew ia u nongniah kali ba wan sam bam ba u kwah ban ioh ia ka jingim kaba shngain. Ha Kumbakonam, ka jingsam bam kaba da ki bnai kala iarap ban pynioh biang ia ka jingburom jong uwei u briew uba la shu thiah ha jingthiah lyngba ka jingioh ia ka jingpynkhuid, ka jain kaba khuid bad ka jingpynioh ia ka jaka sah. Ha Chennai, ka jinglah ban pynpoi ia ka bam kaba ar sien shisngi ka la iarap ia kawei ka kynthei kaba im hapdeng ka jingjynjar ba kan pdiang ia ka jingsumar bad leit ban sah ia ki jaka ai jingsumar.