Ka All Khasi Meghalaya Tourist Taxi Association mynta ka sngi ka la pynjur ia ka jingiakhih pyrshah ia ka jingleh ki nongniah kali ka jylla Assam kiba la khanglad ia ki kali ka jylla Meghalaya ban leit sha Assam da kaba byrthen ba kin hap ban leh lang kumjuh.
Ka seng ka la pynpaw ba kan ieng ha ka nongrim ban nym kynran dien katba ki nongniah kali ka jylla Assam ki dang iai bteng ka jingkhang ia ka surok pyrshah ia ki kali kamai ka jylla ba kin rung kin mih sha Assam.
Ka seng ka la ong ruh lada ki kali Meghalaya kim ioh satia ban rung sha Assam, ki kali kamai na Assam ruh kim dei satia ban iaid hapoh Meghalaya bad dei ban ai lad ia ki ba kin pynpoi ia ki nongleit nongwan tad haduh Jorabat bad ruh ki kali kamai ne Meghalaya kin pynpoi ia ki nongleit nongwan ha Jorabat.
Halor ka jingkam da ki nongniah kali kamai na Assam ba ki nongniah kali kamai ka jylla Meghalaya kin nym ioh bam ioh dih shuh lada khang ia ka jingleit jingwan ki nongwan jngohkai pyrthei, ka seng ka la kyntait mardor ia kane bad ong ruh ba ki nongniah kali ka jylla ki lah ban pynbiang ia lade bad ioh kamai lyngba ka jingtrei shitom.
Ha kane ka sngi, la sakhi ruh ba ki dkhot jongka seng ki pyrta ia ki kyntien pynrem ia ki nongniah kali kamai ka jylla Assam ha ka jingiakhih ba pynlong da ka seng ha Umiam.
You may also like
-
Sha Garo Hills kynriah ia ki nongialam KSU, nangjur ka jingiakhih, shah thang kali ha Nongstoin bad ophis NPP
-
Ai dorkhas ka KSU ia 36 ngut ki MLA ban kren ki mat jingdawa ha Dorbar Synrai
-
Pynkynriah ka Sorkar ïa ki 750 ki nongdie madan, yn ai mar T.20 hajar
-
Pyndem ki nongdie madan Laitumkhrah bad leit shong dukan ha ki jaka sorkar
-
Shah khang ka Kozy Bar Restaurant Sawfurlong ba jaboh palat