Kut jingmut ka Shree Cement ban sumar ia ka um ha Meghalaya

Katba ka rukom pynbha ba pynneh ka nang pynkylla ia ka lawei jong ki karkhana ha India, ka Shree Cement Limited ka nang pynbeiy ia ka jingpynheh ha Meghalaya da ka jingkut jingmut kaba skhem ban pynduna ia ka jingpynmih carbon, ka jingpyndonkam biang biang ia ki marpoh khyndew. Katba ka kompani ka nang iaid shakhmat bad ka projek ban shna Cement ha ka thain East Jaintia Hills district jong ka Meghalaya, ka la buh ban pyntreikam da ki rukom shna Cement kiba thymmai ki ban lah ban pynneh pynsah bad ban sumar ia ka um ha kylleng ka thain.   Ha Shree Cement, ka jingpynkiew da ki rukom kiba neh bad ki jingpynmih karkhana kiba kitkhlieh ki long ki paia ba kongsan jong kane ka jingpyntreikam.  Ka kompani ka la shna ia ka  rukom pyniaid um kaba bha tam ha kane ka karkhana kaba pyniasoh lang ia ka jingpyndonkam kaba paka, ka rukom pyllang um slap kaba heh, ka jingpyndap biang ia ki um khyndew bad ka jingpyndonkam biang ia ki um ba mih na ki karkhana  Lyngba kibe ki jingpyrshang ban pynneh ha ka ri baroh kawei, ka Shree Cement ka la ioh ia ka kyrdan kaba phylla ha kaba ka jingdon um ka long, kaba la pyndap biang ia ka um palat ban ia kabe ka pyndonkam.

Kum shi bynta jong ka Meghalaya green growth roadmap, ka Shree Cement kan pyndonkam ia ka rukom treikam kaba kyllum lang ban peit ia ka um bad ban pyndonkam biang biang ia ki marpoh khyndew ha kane ka projek treikam jong ka ka ban sa sdang trei ha East Jaintia Hills. Kane ka  projek kan bud ia ka rukom treikam jong ka kompani kata ka 100% Zero Liquid Discharge (ZLD) model, kaba pyntikna ba ki jingmih kiba na ki karkhana la pynkhuid bad pyndonkam biang hapoh jong ka karkhana treikam na ka bynta ki kam kum ka jingpyn pyngngad, ka jingpynduna ia ki pympum bad ka jingshna ia ki jaka ba jyrngam, ka ban pynduna ia ka jingdonkam ban shim da ki um kiba khuid. Ka jingpyndonkam biang biang ia ki marpoh khyndew yn pyntreikam ha ka projek naduh ka jingsdang jong ka, da ki teknoloji kiba pyndonkam bha ia ka bor ding bad ki rukom pyntreikam ia ki marpoh khyndew kiba lah ban pynneh pynsah kiba kyrshan ia ka nongrim jong ka ioh ka kot kaba kylleng. Nalor ki jingtreikam jong ka, ka  Shree Cement ka iai long kut jingmut ban pynkhlain ia ka jingpynbun um ha ki shnong ba marjan lyngba ka jingpynneh pynsah bad ki sienjam ban pynkyrsoi biang ia ka

“Ha Shree Cement, ngi ngeit ba ka jingiaid shakhmat ba shisha ka dei ban don ia ka jingiaishah ia ka jinglong jong ka mariang. Ka jingpynheh jong ngi ha Meghalaya ka pyni ia ka jingkut jingmut jong ngi ban wanrah ia ka jingkylla kaba jyrngam —ha kaba ka jinglah pynmih mar jong ki karkhana ka nang kiew ryngkat ryngkat bad ka jingpynneh pynsah ia ka mariang,” la ong u Shree Cement Spokesperson. “Da kaba pyniakhleh ia ki kyndon zero liquid discharge hapoh ka jaka treikam jong ngi da kaba buh ha khmat ia ki rukom pynneh pynsah ia ka um ha ki shnong ki thaw kiba don shabar jong ki,  ngi pyntikna ba ka jingkiew ka jong ngi ka thaw ia kiei kiei kiba neh slem, na ka bynta ka mariang ha Meghalaya bad ki briew jong ka.” Kane ka rukom leh ka tei ia ka jingiatreilang jong ka kompani bad ka sorkar Rajasthan hapoh jong ka Mukhyamantri Jal Swavalamban Abhiyan (MJSA), ha kaba ka pyntrei ia ki kam pynroi nad ka jingpynkyrsoi ia ka um ha khyndew hajan ka Ras bad Beawar unit, kaba pyni ia ki kam ha ki shnong ki thaw na ka bynta ka jingpynneh pynsah ia ka um ba ka kompani ka thmu ban  leh ha baroh ki jaka ba ka treikam.