Ki MLA ka South Garo Hills District ki la rai ban kyrpad ia u Myntri Rangbah ka Jylla u Conrad K Sangma ban iakren lem bad ka Sorkar Pdeng ba kan pynpoi ia ka lynti rel shaduh sha Bagmara. Ïa kane la pyntip da u Myntri ka Tnad Pule Puthi u Rakkam A Sangma.
Haba kren sha ki lad pathai khubor u Rakkam u la ong “Ha ryngkat ki 4 ngut ki MLA na ka District ngin sa iakynduh ia u Myntri Rangbah ban aiti ia ka dorkhas ban pynpoi lynti rel na Guwahati sha Mendipathar bad Baghmara bad wat sha Dhaka” la ong u Rakkam.“Kane ka dei ka lynti iaid hadien habud namar shuwa ka jingioh laitluid khamtam ka South Garo Hills, ngi ju pyniaid ia ka khaii ka pateng kaba iaid bha na ka thain” ula bynrap.
Ula pynpaw ba ka Ri America ka riewspah namar ka don ia ki surok kiba bha bad ong “Kumta, ka lad pyniasoh ka long kaba kongsan na ka bynta ka roi ka ioh ka kot jong ka thain”. “Ngin sa kyrpad ia u CM ban iakren lem bad ka Sorkar Pdenge ba kan pynpoi lynti rel sha Baghmara bad sha Dhaka” ong u Rakkam.Hynrei ula ban jur ia ka jingdonkam ban buh ia ka Integrated Check Point ban tehlakam ia ka jingwan rung ki mynder.
You may also like
-
Ki Nongdie Harud Surok Ba la Kylla Long Ki Nongphah Mar Sha Bar Ri: Ki Nongrep Meghalaya Kiba la Ioh Number Ki la Kheit Ia Ki Soh Jong Ka Jingtrei Shitom
-
Kynnoh ka BJP ba shim kabu ki Seng Sain Pyrthei ha ka jingiakhih ki samla pule
-
Bthah u Conrad ban pyndep kloi ki jingtei Meghalaya House ha kylleng ka Ri
-
Ka sorkar kan pynneh ia ki tyllong um bam lyngba ka ‘Jal Utsav’
-
Ai nam u Kitkupar Nongsiej ïa ki takma ba khur na WCOPA ia ka India