Kumba phra tylli ki iing dieng tap shilliang ba don ha Rilbong ki la kylla dpei hadien ba ki la shah bam duh ha ka ding kaba la klang hynne ka sngi Saitjain ha ka por 4 duna eiei janmiet ha ka lynti kaba la ju khot da ka Zig-Zag Road.
U MLA ka Shillong South konstiwensi u Bah Sanbor Shullai mar ia ioh jingtip halor kane ka jingjia mar mar ula leit sha katei ka jaka.
Katkum ka jingiathuh u bah Sanbor, kane ka jingpluh la suba ba ka la sdang namar ka jingthut ha ka bording ilektrik bad hadien ba la kem ding ki la don kumba 3 tylli ki tyndong lyer Gas kiba la bthei.
U bah Sanbor ula ong, ba ka jingklang ka ding ka dei ruh namar ba bun na ki iing ki dei ki dieng kiba la kham rim bha.
Ula iathuh ba ha kane ka jaka kiba sah ki dei ki khar ba ri ia ki masi bad ha kane ka jingjia ym shym la don satia kiba mynsaw, ha kaba u la ong ruh ba ka jingklang stet jong ka ding ka dei namar ba ki dei ki ïing dieng ba la rim.
Ha kane ka jingjia, na ka liang ki pulit pynlip ding ki la iakhun tyngeh ban tem ia ki thylliej ding ba kin ym pur sha kiwei ki bynta, hynrei namar ba kitei ki iing kidei ki iing tap shiliang ba la rim ka ding ka kloi bha ban klang haduh ba ym lah ban iada shuh ia ki 8 tylli ki iing.
You may also like
-
Kynmaw burom ka sorkar ia ka sngi kha u Mahatma Gandhi
-
T.595.98 klur ia ka pung Umiam, T.661.44 klur ia ka Sohra
-
Iasnohkti lang ki paidbah ban pynkhuid ia ki Iew bad ki shnong ha Jowai
-
Ka NPP kam ju thied khlieh briew kumba thied khlieh dohkha: Prestone
-
Phah leit phai ka KSU 42 ngut ki briew sha Assam bym don ki kot ki sla biang