Kyrmen u MLA ban dep kloi ka surok Nongpoh-Umden, shen yn pyntrei sa ka Sonapur

U MLA ka Nongpoh constituency u bah Mayralborn Syiem u la pyntip ba ka jingpyntrei ia ka surok na Nongpoh-Umden-Sonapur ka la iaid shakhmat bad ka don jingkyrmen ba yn lah ban pyndep haka por bala buh. Haba kren shaki lad pathai khubor u Bah Mayralbron u la pyntip ba ka surok na Nongpoh-Umden-Sohnapur kadei kaba jrong 58.600 Km bad la mang tyngka na ka State Scheme bad naka Pradhan Mantri Gram Sadak Yojna (PMGSY).

“Na ka 58.600 Km, kumba 20.00 Km kata na Nongpoh sha Umden ka dei ka ba la mang ban shna na ka State Scheme bad kumba 38.600 Km na Umden-Marmain-Sonapur ba la mang na ka PMGSY Scheme” la ong u Bah Mayralborn. U Bah Mayralborn u la ong ba ka jingpyntrei iaka surok na Nongpoh sha Umden naka State Scheme ka la iaid shaid shaid bad kum u nong mihkhmat ka thaiñ u la leit jurip bunsien bad ki nongialam shnong ka thaiñ. “Ha ka jingleit jurip ha ka jingiadonlang ki Rangbah Shnong ki ophisar na ka tnat PWD la shem ba ka  kam ka la iaid shaid shaid bad bad nga pynpaw ka jingai khublei ia ki nongtrei ka PWD ba ki la trei shim khia ban pyndep ïa kane ka surok” u la ong.

U MLA u la ïathuh ruh ba iaka Work Order la dep ban pynlait naka bynta ban sdang noh iaka surok kaba 38.600 na Umden-Marmain- Sonapur bad naka liang ki Contractor ruh ki la dep ban hiar sha kane ka jaka ban jurip ia ki jaka.