Ki pulit hynne ka sngi ka la khot hajir ia phra ngut ki dkhot jong ka KSU Central Executive Council (CEC) sha Sadar Police Station haba ia dei bad ka jingjia kaba la mih ha ka Rally kaba long ha ka 19 tarik u Nailar.
Ha katei ka sngi, ki phra ngut ki nongialam ka KSU haba ki la leit mih sha Sadar Police Station, kaba lynngoh ka long ba ki nongap pahara ha khyrdop ka Police Station kim shym la shah ia ki ban rung shapoh.
Namar ka jingbym shah ki nongap pahara ban rung shapoh, ki dkhot ka seng ki la hap ban leit phai noh khlem da rung shapoh jong ka station.
Haba kren sha ki lad pathai khubor u Information Publicity Secretary u samla Pynshai Dkhar, u la ong ba ki burom ia ka jingkhot jong ki pulit bad baroh 8 ngut ki la poi sha katei ka Police Station, hynrei haba poi ha khyrdop kim shym la shah ban rung.
“Haba ngi la poi ha khyrdop ngi la pyni ia ka Notice, hynrei kim shym la shah ban rung. Na ka liang jong ngi, ngim shym la kyntait ia ka jingkhot jong ki hynrei kim shym la shah ia ngi ban rung bad ngim banse ban leit phai noh,” ula ong.
U Samla Pynshai ula ong, “Ia ka sngi jong kiba phi buh ban wan hajir ngi la wan ban pyndep bad sngewbha nai phah shuh ki notice ia ngi.”
You may also like
-
Halor ka jingkhlad u khnnah 12 snem ba suba dih ‘STING’
-
Kular u James Sangma T.20 lak ia ka Seiñraij Mukhla ban pynbha ia ka Aitnar
-
Na T.210 klur ba mang ia ka surok Rongjeng la pynhiar sha T.138.8 klur
-
Ki bor pahara kin iaid bteng ha sor Shillong katba ki paidbah kim pat shngain
-
Ka sorkar ka dei ban kitkhlieh ia ki jingjia ha Jylla, ong u bah Pala