Ki shipai Border Security Force (BSF) ryngkat bad ki Pulit ka Jylla, ki la ioh kem ia ar ngut ki nong India bad kurup ia kawei ka kali kaba kit ia ki mar da ka jingthmu ban khaii tuh sha ri Bangladesh. Ki la pyntip ia kine ki 2 ngut, la ioh kem na ka Lad Ichamati, kaba don ha khappud ka East Khasi Hills bad ka ri Bangladesh.
La pyntip ba kine ki briew kila shong ha ka kali Tata Sumo bad la kit ia ki mar kiba bun jait da ka jingthmu ban khaii tuh sha ri Bangladesh bad ha ka jingtohkit ia u nongniah kali ym shim la lah ban ai jubab eiei ne ban pyni ia ki kot ki sla ia ka jingkit ia kine ki mar.
Ki BSF kila iathuh, ba kila aiti noh ia kine ki briew, ka kali bad ia ki mar kiba la ioh kurup sha ka tnad Custom ha Shella bad ka jingtohkit halor kane ka jingjia ka dang iaid shakhmat.
You may also like
-
Rakhe ki nong NE ïa la ki kolshor ha UK
-
Iakhih ka HFU ba hiar dor ki mar rep
-
Ka KSU kan ym kynran dien ban iakhun ia kiba thmu ban pynkylla ‘langiong ia ki para doh
-
Hadien ka jingthwet ba kynnoh batbor Leit pyndem u Jonathan ha ki pulit Laitumkhrah
-
Phah jingthoh ki bah Hek sha u MR ban ai jingiarap ia kiba iap ha Lapalang