Shah kem Rangbah ba shoh bad kyrdem Ïa ka samla ha Nongstoiñ

Ka durkhih ba la saphriang ïa ka jingshah shoh shah kyrdem dusmon kawei ka samla kynthei ka la jia ha ka janmiet 28 tarik u Jylliew ha surokbah Nongstoiñ Bypass ha bynta ba don marjan bad ka Nongpathar Stadium ha Pyndengrei WKHD.

Hadien jong ka jingsaphriang katei ka dur khih da ka jingsngewkhia ki khot jong ka Village Defence Primary Committee Nongstoiñ Area (VDPCNA) da ka jingïatreilang bad ki bor pulit ka WKHD ki la pyrshang ban thet ïa ki briew kiba don kti ha katei ka kam ha kaba hynne ka step jong ka 29 tarik u Jylliew ki dkhot ka VDPCNA da ka jingïarap lang ki VDP ka shnong Mawkadiang ki la ïoh ban bat noh ïa u khynnah shynrang ba la suba jur ba u dei uba la paw ha ka dur khih ban shoh dusmon ïa ka samla kynthei.

Na ka liang jong ka VDPCNA ki la tan noh ïa u tei u khynnah shynrang sha thanad Nongstoiñ bad ai ti ha ki pulit ba kin leh ïa ki jingdonkam katkum ka aiñ bad na ka liang jong u President ka VDPCNA u Bah Mawkordor Kharsyiemlieh ula ong, ba ka VDPCNA ryngkat ki VDP Shnong ka maham tyngeh ïa kino kino ki briew ba ju mlien ban leh khlem akor ha ki thaiñ jong ka surok bah Nongstoiñ Bypass ka VDPCNA ryngkat ki VDP ka shnong WKHD kan leh da kaba tyngeh.

Ka daw ka jingjia ba la mih haduh ban ïashoh ïa dat ym pat lah ban tip haduh ba thoh ia ka khubor, hynrei ki tyllong khubor ba la ïoh lum ki ïathuh ba katei ka lanot kaba shu shong wai hapoh ka shnong Upper New Nongstoiñ ka dei ruh ka kurim jong utei u shynrang uba shoh ïa ka uba dei na ka shnong Mawkadiang, hynrei la ong ba kitei baroh ar ngut shitnga ki khlem ïashong ïasah lang shuh mynta.