Ka School Fete cum Lucky Draw ba ar sngi kaba la sdang ha ka sngi Palei ka 14 tarik bad kan kut ha ka sngi Thohdieng ka 15 tarik u Jymmang 2026 ba pyniaid da ka St. Anne’s Secondary School, Mawtawar ha phyllaw skul ka la long kaba shongshit bad iphuh iphieng.
Ia kane ka fete pynmih pisa na ka bynta ban pynkha kamra klas jong ka skul St. Anne’s la plie da u MLA barim Bah PT Sawkmie. Haba ai jingkren u Bah Sawkmie u la pynpaw ia ka jingsngewkmen ban iohi ia ka skul ba ka la kham kiew haba ianujor bad ki snem ba la leit. Ha kaba u la kitbok kitrwiang ia ka skul ba kiei kiei kin iaid beit iaid ryntih da ka jingisynei U Blei.
Ha kajuh ka por u bah Sawkmie u la nohsynniang ruh sha ka skul kum shi bynta ban iarap ia ka jinglut jingsep ban pynkha kamra klas.Ha kane ka sngi la ioh ruh ia ka jingkren na u Parish Priest jong ka Mawtawar u Father Ambrose Lamin bad na ka nonghikai jong ka skul ha ka jingdon ryngkat ki riew rangbah jong ka Balang Katholik.
You may also like
-
Tur ki paidbah ha Ialong Toll Plaza ba khrong pisa na ki kali ML-04 bad ML-11
-
Pyllait u MR 95 ki kali ka tnad pulit ban pynkhlain ia ka jingtreikam
-
Ki rai ka sorkar lah ban bishar biang katkum ka jingai jingmut ki paidbah: Conrad
-
Iamir jingmut u Conrad bad ki heh UNICEF halor ka Mission 1000 sngi
-
Phah ka sorkar da ki Pulit SF-10 sha Lapangap ban shngain ki paidbah