U president ka United Democratic Party (UDP) u Bah Metbah Lyngdoh ula ong, ka Party kan sa jied General Secretary ba thymmai ha ka jingïalang jong ka Central Executive Committee (CEC) ka ban long ha ka taiew ba khatduh jong mynta u bnai ne ha ka taiew ba nyngkong jong u bnai Naitung.
Lah ban kdew ba dang shen u General Secretary ka UDP u Bah Jemino Mawthoh u la mih noh naka Party. Haba kren shaki lad pathai khubor u Bah Metbah u la ong ba ka Party kala pdiang iaka shithi iehnoh kam u General Secretary barim ka UDP u Bah Jemino Mawthoh. “Ka kam thung General Secretary kam dei eh kaba kyrkieh hynrei kum ka Party ka donkam pat ïa u General Secretary ba thymmai” u la ong.
Haba batai halor ka jinglong jingman jong ka UDP ha Meghalaya, u Bah Metbah u la ong “Kaei kaba phi ïohi ia ka mynta. Na kawei ka ilekshon MLA sha kawei pat ka ilekshon MLA ka Party ka dang iai khlaiñ. Ngi trei kumta bad ngin iaitrei ban nang pynkhlain iaka Party”.
You may also like
-
Sdang ka jingkem ksew surok ha Jowai ban ai Injection Rabies
-
Shah beh u Bah Hoping na ka APHLC ba kyntait ia ka Autonomous State
-
Kim neh slem ki Seng Riewlum, ki bun tang ki kular kim lah ban pynurlong: Pala
-
Ngam sngewpher lada shah pynhiar shuki, ka kam MLA ban shakhri paidbah: Methodius Dkhar
-
Nga la kren bun sien ba don ka jingbym hun ia ka rukom treikam hynrei u nongalam u kyntait : Paul