Ka DGP ka jylla ka Kong Idashisha Nongrang ka la ong ba ki pulit ka jylla kin khanglad ia kino kino ki kam ba ka Hynniewtrep National Liberation Council (HNLC) ka thmu ban pyni bor. Haba kren sha ki lad pathai khubor hynne ka sngi, ka kong Idashisha Nongrang ka la ong ba ki pulit ka jylla ki la long kiba la pynkhreh ban iada bad ban khanglad ia kino kino ki jingthmu jong ka seng HNLC ban pyni ia ka jinglah bad ka bor jong ka.
Ia kane ka DGP ka la kren hadien ba ka HNLC ka la kam ia ka jingbuh bomb IED dang shen hajan ka Meghalaya Rural Bank Umsning, Ri Bhoi District.“Ka HNLC ka lah ban bteng ban pyni ia ka jingdon jong ka bad ka jinglah jong ka, hynrei ngi ruh kumjuh ngi la long kiba la pynkhreh ban pyntikna ban khanglad ia kino kino ki kam kiba ka thmu ban leh,” la ong ka kong Nongrang.
Ha kajuh ka por, ka DGP ka la ong ba ka jingkhang jong ka sorkar ka dang plie ia ka HNLC ban wan sha ka miej jong ka jingiakren iasuk lyngba ki lynti jong ka ain bad ka riti synshar ka ri.
You may also like
-
Ïaid paidbah ki khynnah pule halor ka jingma ka shongkha khynnah
-
Hiar jurip u MLA ia ka skhim GMCWSS, kyrmen ban dep hapoh u 2026
-
Ïakynduh ki Nongthoh Khubor na Karnataka bad ki MDC halor ka rukom synshar ki ADC
-
Pynjari kyndon 163 ki bor pynïaid District ka EJH, ym shah ban ïalum palat 5 ngut
-
Iam ki paidbah ba thmu kynriah ia u Dr. Khongwir na Kynshi PHC