Kum shibynta ban pynpaw ia ka shongsuk shongsain ha ki thain khappud, hynne ka sngi ki nongrep na Karbi ki la leit iarap ban ot kba lang ha ki lyngkha ki Pnar na shnong Lapangap, West Jaintia Hills. U Superintendent of Police (SP) ka West Jaintia Hills u Jagpal Singh Dhanao, ula pyntip hapoh ka jingialam u Myntri Rangbah ka jylla, u CEM ka Karbi Anglong Autonomous Council bad ki khlieh nongsynshar shnong ban wanrah ia ka shongsuk shongsain ban ioh leit ot kba naduh lashai ka sngi Balang ha ki shnong ba hap ha Lapangap bad Tahpat.
U SP ula pyntip kin don ki pulit ha ka thain ban iada ban khang ia ki briew nabar kiba pyrshah ban leit pynthud ha katei ka thain kaba la wan phai biang ha ka shongsuk shongsain. Ki bor pulit ki pynpaw ba ka jingiai shah ki paid nongshong shnong ka Lapangap ka long ban wanrah ia ka jingshngain khlem ka jingpynwit ban leit ot kba ki sngi ban wan.
Kumjuh la pyni ruh ia ka video ki nongrep Pnar ki ioh jingiarap na ki Karbi ban leit ot kba na ki pynthor bad ki jaka rep.
You may also like
-
Hiar ki heh UDP ha Jaintia ban pan jingkyrshan ia u kyrtong MP
-
Ki jingkiengjri ki sakhi ia ka jingstad ki longshwa ban pynneh ia ki dustur ryngkat ka mariang
-
Shah Jyrwat skhor u Bah Paul ba kynthoh ia u nongialam naduh ba bujli Myntri
-
Kawang Petrol Bom ki runar ia ka ophis DMR, julor ka kali, hiar jurip u MR bad CS
-
Ngin rung BJP na bynta ka bha ka miat ki paidbah