U Symbud Myntri Rangbah ba peit ia ka tnat PWD u Bah Prestone Tynsong ula pyntip ka Sorkar ka la bthah ia ka NHIDCL ban shna da ka Sub-Way ha ka bynta ba twa ka surok Shillong-Dawki harum ka shnong Laitlyngkot.
Haba kren sha ki lad pathai khubor u Bah Prestone ula ong, ka Sorkar Jylla ka iai bud dien bad ki bor District naduh u Deputy Commisioner, SDO Civil bad ka tnat PWD ban pynthikna ba ki kam ki iaid beit iaid ryntih ban shna ia ka surok Shillong-Dawki.
U Bah Prestone ula ong, ka jingeh ba ia dei bad ka Project Shillong-Dawki Road ka dei tang ka bynta ba twa ka surok. “Kumta mynta nga la bthah ia ka NHIDCL ryngkat bad ka kompeni kaba ki la jied ban pyntreikam ia ka Project ban shna noh shwa da ka Sub-Way ha kane ka bynta ban ioh iaid noh ki kali” la ong u Bah Prestone.
“Nga sngewkmen ban pyntip ba mynta ka jingshna Sub-Way ka la jan sdang, ka jingtrei ka long man ka sngi bad nga kyrmen hapoh shi taiew ngin sa lah ban pyndonkam biang ia kane ka surok Shillong-Dawki” ula ong.
U la bynrap ka Project Shillong-Dawki kam dei hapoh ka jingpeit jong ka Sorkar Jylla namar ia kane la leh da ka Sorkar India lyngba ka NHIDCL bad ka Ministry Road Transport ka la ai sha ka NHIDCL.
You may also like
-
Pynshlur ki Nongïalam ia ki samla pule ka NIFT ban saindur ia ki kam ryngkat ki bor teknoloji
-
Phah ka sorkar Jylla ban thied jaka hapoh150 yard ha khappud India-Bangla ban ym duh ki trai shnong ia ki jaka
-
Wer ka GMT ïa ki paidbah ban pynkhuid ia ki wah ha sor Nongstoiñ
-
Shwa u 2018 ym ju khot tynder palat spah klur
-
Shim khia ka sorkar ba kynnoh shlei um ka Assam:Marcuise N Marak