Kyrpad ban kyrkhu kyrpang ia ka jylla Meghalaya

U Symbud Myntri Ragbah ka jylla u Bah Prestone Tynsong u la leit їakynduh їa u Nongsharai Ba ha khliehduh jong ka Balang Katholik, u Kpa Bakhuid u Pope Leo XIV, ha Vatican ha ka step jong ka sngi Balang.U Bah Prestone ula long uba nyngkong eh na ka Jylla Meghalaya ban їakynduh їa u Pope, tang hadien lai bnai ba la jied їa u Kardinal Robert Francis Prevost ban long u Khlieh duh jong ka Balang Katholik Salonsar bad u Khlieh duh jong ka Ri Vatican.U Bah Prestone ula ioh ruh ia ka lad ban їakren para marwei bad u Pope, ha kaba u Pope ula ai їa ka jingkyrkhu apostolik ia u Bah Prestone bad ki paid nongshong shnong jong ka jylla baroh kawei bad ula phah rah rúh їa ka jingkhublei bakyrpang jong u, lyngba jong u Bah Prestone, sha ki paidbah jong ka Jylla Meghalaya.

Ha kane jingїamir jingmut u Symbud Myntri Rangbah ka jylla ula kyrpad kyrpang їa ka jingkyrkhu jong u Pope halor ka jylla Meghalaya. U Kpa Bakhuid u la khublei їaroh їa ki jingtrei shitom jong ki Nongsaiñ Hima bad ki Nongsharai Mynsiem jong ka jylla ha kaban tem їa ki jingeh ba har rukom kiba la wan bsuh sop sop hapoh ka jylla.U Pope ula pynshlur bad ai mynsiem bad pynpaw їa ka jingkongsan jong ka jingtrei shitom tyngeh ban wanrah їa ka jingsuk bad ka jingїatylli ha ka jylla.

U Pope Leo XIV ula tyrwa їa ka jingkyrkhu bad ka jingpynshlur jong u, da kaba ai mynsiem їa u Symbud Myntri Rangbah bad ula kyntu bad ban jur biang ban don ka jingїatrei lang hapdeng ka ki nongїalam jong ka Jylla bad ki nongsharai mynsiem jong ka Balang ha kaban wanrah jingsuk bad jingїatylli ha ka jylla.U Pope Leo u la ju trei bor bah ha ki khep bapher, kynthup їa ka jingrakhe їa ka Jinglehmen jong ki Rympei їieng (Jubilee of Families) bad ka jingїakynduh lang ba ki Katholik Ba sha mihngi (Eastern Catholics), ha kaba ula ban borabor їa ka jingkordor jong ka jingsuk bad ka jingїatylli.Ula ai jingkren bakyrpang rúh їa u Khliehduh jong ka Shlem Saiñ Bam bad Rep (Food and Agriculture Organization), da kaba u ban khia їa ka jingdonkam jong ka jingїatreilang baroh shityllup ka pyrthei ban pynduh їa ka jingshah thngan bad ban їoh їa ka jingbam kaba koit kaba khiah.