Ki bor District ka East Khasi Hills hynne ka sngi ki la pynjari da ka korphiw miet ne ‘Night Curfew’ ha shilynter ki khappud bad ka Ri Bangladesh naduh ka por 8 baje mynmiet haduh 6 baje mynstep bad kane kan treikam haduh 2 bnai. Ka District Magistrate, East Khasi Hills ka Kong RM Kurbah ka la pynmih hukum hapoh ka kyndon 163 BNSS ba la pynjari ia ka korphiw miet naduh ka por 8 baje mynmiet haduh 6 baje mynstep hapoh ka jingjngai ne ka Radius ba 1 kilometer na u Zero Line jong ka khappud ka ri India-Bangladesh bad kane ka hukum kane treikam na ka bynta ar bnai.
Ka jingpynjari kyndon 163 BNSS ka long halor ka jinglong jingman mynta hapoh Bangladesh, ba ka lah ban don ka jingwan rung tuh ki runar, ki ehrang ki kynhun kaikhlaw, ki nongkhaii tuh bad kiwei kiba leh ki kam beain ha khappud bad ka Bangladesh.
Ka District Magigtrate ka la khang pyrshah ban iaid ha ki thain khappud bad khamtam ban jam ia u pud ka Bangladesh ne ban wan rung tuh sha India, kumjuh ban ialum briew palat 5 ngut ne rah ia ki tiar pynmynsaw kum ki nar rod ki dieng, ki maw bad kiwei, nalor ki kam be-ain kynthup ka jingkhaii tuh masi, ki mar ki mata, kwai, tympew, khathad, bidi, sikret bad kiwei kiwei.
You may also like
-
Kam don jingmut ban ujor ia ki MLA katba ka UDP ka dang iatreilang ha ka MDA: Pala
-
Siat ki runar da ka jri ia ki Longkmie ba iaid pahara, pynrem ka Dorbar Shnong Mawkyrwat
-
Kyntait ka NPP ba leit Delhi 24 ngut ki MLA ban kynduh ia ki heh BJP.. lead
-
Ka jingleit iasoh BJP 8 ngut ki MLA UDP kam don jingma ia ka sorkar: Conrad
-
Ka jingleit iasoh BJP 8 ngut ki MLA UDP ka lah ban wanrah jingkylla ia ka sain hima ha Jylla