U Myntri ka tnat Pule Puthi u Rakkam A Sangma hynne ka sngi u la pyntip ba ka Tnat kala thoh sha ka Tnat Urban Affairs ba kan ai jaka na ka bynta ban seng ia ka Shillong campus jong ka Captain Williamson Sangma State University. Haba kren shaki lad pathai khubor u Rakkam ula ong “Haba iadei bad ka jinglong jingman jong ka State University, ngi la dep pynkhreh lut nadong hadong. Ki college kiba la aplai ban pyniasoh, kila sdang ban pynrung klas ia ki khynnah. Kam shym la don jingeh satia”.
U Rakkam u la ong ruh ba katba ka Tnat ka dang ap ia ka jaka na ka bynta ka Shillong campus ba pura, mynta ki kam kila iaid ban ithuh shuwa ia ka Ophis ba shipor jong ka Shillong Campus ka State University. “Ha ka jingshisha ngi thmu ban pyndonkam ia ka Bijni Complex ha Laitumkhrah hynrei ka NEHU kala rah ia kane ka kam sha ka Iingkashari High Court haba tynjuh ia ka jinglong trai jong ka Bijni Complex. Kumta, ai ba ka Iingkashari kan rai shuwa ia kane ka kam” ong u Rakkam.
Haba kylli, ula ong “Ka NEHU kala kam ba ka (Bijni Complex) ka dei jong ka bad ka Sorkar Jylla ruh kala kam trai iaka jaka. Ka NEHU kala tynjuh ia ka jinglong trai ia ka Bijni Complex. Ai ba ka Iingkashari kan rai. Ia mynta, ngi dang wad ia ka jaka ba shipor ban sdang noh ia ka Shillong Campus”.
You may also like
-
Lada ka sorkar ka pyrshah tih Uranium ha Meghalaya
-
Donkam pynkylla ki rukom treikam ban kyntiew ka jingshakri ia ki paidbah”
-
Ka suk ban buh Entry-Exit Point ha Umling, hynrei ka jingeh ban wanrah ki ain ban peit bniah:Conrad
-
Ïap 5 ngut ki nongbylla katba dang pynkhuid pung ha Lapalang
-
Khring ka tamasa Sohtrun ia ki paidbah ha Delhi U Sohtrun Meghalaya ba bang tam, ka jaka rep yn pynheh haduh 1 lak Hectar: Jyotiraditya Scindia