U Deputy Commissioner, East Khasi Hills Shillong hynne ka sngi ula pynmih hukum ba baroh ki Block Development Officer (BDO) ha District kum ki ‘Executive Magistrate’ na bynta ban pyniaid ia ka Birth bad Death Registration.
U DC ula pynpaw ba katkum ka bor kaba la pynkup ha u katkum ka Registration of Births and Deaths Act, 1969 hapoh ka Section 13(3) ryngkat lang bad Rule 9(3) jongka Meghalaya Registration of Births and Deaths Rules 1999, la hukum ia baroh ki BDO hapoh ka District ban long kum ki Executive Magistrate ban pynthikna ia ka jingpyniaid ia ki kam kiba iadei bad ka jingrejistar, jingpynbeit, jingpynduh, ka jingpynslem ha ka jingrejistar bad kiwei kiwei ki mat kiba iadei bad ki nongaplai hapoh u pud u sam jong ki.
Nangne shakhmat, ki nongaplai kin leit aiti ia ki aplikeshon jongki ha ki ophis treikam jong u BDO ba kin shimkhia mardor ia katei ka kam bad kane ka hukum kan treikam noh mardor bad kan iai neh tad haduh ban da pynbna da kumwei pat.
You may also like
-
Kem ki pulit Mawkyrwat ia u runar na Gujarat ba ‘Blackmail’ ia ka samla haduh ban pyniap ia lade
-
Ka jingialang ki ‘Scouts & Guides’ban kyntiew ka jingiatreilang ha ka imlang sahlang
-
Yn pyntreikam ia ka ICCC ha jylla kum ha Telangana: Conrad
-
Hadien ka jingtwa surok Laitlyngkot Bthah u ADC ban iaid noh na surok Laitlyngkot-Umthli-Laitkynsew
-
Ka Jylla kan leit iakren bad ka sorkar Pdeng ban pynjynsur ia ka Mining Lease ban tih dewiong