U Mewanshwa Mawblei, heprit ba dang san snem ka rta na ka shnong Nonkchigittim ha ka thaiñ Killing Ri-Bhoi District u la duh noh ïala ka jingim hadien ba u la shah rong haka umsaw katba dang ïalehkai hajan iing.Katkumn ka khubor ba la ioh lum la iathuh ba kane ka la jia hynne ka step, ha kaba utei u heprit u dang ïalehkai shabar iing, hynrei namar ka jingjur u slap ka um ka la kiew kynsan bad u la hap ha kawei ka wahduid kaba don hajan iing bad namar ka jingkhlaiñ ka umsaw, ka um ka la rong noh ïa u sha ki bynta ba sharum.
Naka liang ki paidbah ryngkat ki pulit ki la wad ïa utei u heprit bad lap mynta ka sngi haka por kumba 11 duna eiei mynstep bad la rah ïa u mar mar sha PA Sangma International Medical College naka bynta ka jingsumar hynrei ki doctor kila pynbna ba u la khlad noh shuwa ban poi sha hospital.
Namar ka jingbym don kano kano ka jingtharai sniew halor ka jingiap naka liang ki bahaiing kila kyrpad ban pynlait noh ïaka post mortem bala pdiang ruh da u majistor ka Ri-Bhoi bad hadien bala pyndep katkum ki kyndon aiñ naka liang ki pulit kila aiti noh ïa utei u heprit sha ki bahaiing ban pyndep ka jinglehñiam ba khatduh.
You may also like
-
Pynkup burom ia saw ngut ki tymmen ha ka sngi rakhe ki riew tymmen
-
Iatehlok ka Vi Business bad ka Cisco ban pynkhlain ia ka jingtyrwa ia ka SD-WAN
-
Ki Facilitation Centre ki dei ban don Food Court”
-
4 tarik yn wan u Amit Shah ban kynduh ia 8 ngut ki MLA ba iasoh BJP
-
Thud ki nongleit nongwan ba pynieng kali jot ha surokbah Nongpoh