U Lamphang ka ïing dorbar thawaiñ ka Bihar u Dr. Prem Kumar, ula wan poi ha ka jylla Meghalaya kum shibynta ka “Study Tour’ ban sam mar kylliang bad ban lum ia ki jingtip ba ia dei bad ki kam bad ka rukom pyniaid dorbar bad ki kam ka ïing dorbar ka jylla.
U Dr. Prem Kumar ula wan poi ha Shillong ha ka sngi Baar bad yn don hapoh ka Jylla haduh ka 29 tarik.
Ha kine ki sngi ka jingwan jngoh, un leit khmih bniah ki kam ba ia dei bad ka ïing dorbar ha Shillong bad Sohra ha ryngkat bad un leit jngoh ki jaka donnam ha ka histori bad ki jaka ba ia dei bad ka kolshor.
La synran ia u Lamphang da ka kurim jong u ka Prabhawati Devi ryngkat bad ki ophisar bad ki nongtrei jong ka Bihar Legislative Assembly.
Kane ka jingwan la khmih lynti kan pynkhlain ia ka jingiadei bad ka jingiatrei lang ki ïing dorbar bad ban pynshlur ban don ka jingsam mar kylliang ia ki jingtip ha ka kam pyniaid ia ki ïing dorbar thawaiñ hapdeng ki ar ki jylla ka Meghalaya bad Bihar.
You may also like
-
Hapoh ka 2 snem ki liengsuiñ baheh kin sa lah ban hiar ha Shllong Airport
-
Aiti u bah John ïa ki Article 338 bad 338A ha u MP Rajya Sabha ban pynbeit
-
Ka jingkieng blei ba jrong kumba 30 phut ha Mawrah-Rangtmah
-
Da ka duitara rah u rangbah ban tem haba sahmiet sha khlaw, ym da ka mobile
-
Ba ban ka jingduk, ym ju ioh lad ialehkai u kyrtong ka UDP