Thew ka Vi ia ka jingkiew ha ka jingpyndonkam ia ki kor dijital ba lyngba ka jingtyrwa jong ki OTT ha ka dor ba 200 tyngka

Ka Vodafone Idea (Vi) ka la pynmih ia ka Movies & TV value pack ha ka dor ba 200 tyngka jong ka Vi prepaid, ka ban nang pynkhlain ia ka rukom ba ki briew ki pyndonkam ia ki kor dijital lyngba ki jingshakri pynbyrngia bad ki jingpyn iasoh lang. Ka 28-day recharge ka pyniasoh ia ka jingioh ia 20 tylli ki rynsan OTT, palat 200 tylli ki live TV channel, 30GB jong ka data ba sted bad ka unlimited 5G data, kaba tyrwa ia ki nongpyndonkam ia ka jingpynrung kyrteng marwei na ka bynta ki jingpynbyrngia bad ka jingpyniasoh ia ki mobile. Kane ka pack ka wanrah lang ia ki rynsan pyni paidbah kum ka JioHotstar, SonyLIV, ZEE5, Lionsgate Play, ShemarooMe, ManoramaMAX, FanCode, Playflix, Klikk, Atrangii, Chaupal, OTTplay Live, Pocket Films, YuppTV, Addatimes, KancchaLannka, TimesPlay bad NextGTV, hapdeng kiwei kiwei. Ka Vi Movies & TV ka tyrwa ia ki jingpyni ha ki 16 tylli ki ktien, kaba ai lad ia ki nongpyndonkam ba kin ioh ia ki prokram jong ka ri bad ka thain lyngba kawei ka rynsan.

Ki nongpyndonkam ki lah ban pyndonkam ha ki saw tylli ki kor lem bad ka jingpeit ha ka juh ka por ha ar tylli ki screens ha kylleng ki rynsan  OTT kiba heh, ba lait noh ia ka SonyLIV. Ka recharge ne thep pisayn lah ban ioh lyngba ka Vi App bad kiwei kiwei ki rukom recharge. Na ka liang ka ioh ka kot, ka bundle ba tyrwa ka pyni ia ka jingkylla jong ka tnat telecom sha ki jingshakri digital ba la pynkiew dor katba ki nongpyniaid ki wad ban pynbha ia ka jingpynsah ia ki nongthied bad ban pynkiew ia ka jingmih kaba pdeng na ka bynta uwei uwei u nongpyndonkam ne ka average revenue per user (ARPU). Da kaba pyndonkam ia ka jingpynbyrngia kabs bha lem bad ka mobile data, ka Vi ka thmu ban wanrah ia ki jingpyndonkam data kiba kham bun katba nang pynduna ia ka jingshaniah jong ki nongpyndonkam ha ki bun jait ki jingsiew ban subscribe ne ban shim. Kane ka rukom treikam ka ia dei bad ka ioh ka kot jong ka India kaba nang kiew, ka jingkiew jong ka jingrung jong ki smartphone bad ka jingpynmih jong ki jingtei 5G kiba nang iai mih.

Ha Shillong, ka jinglum kyllum ba la siew prepaid ne ka prepaid bundle la khmih lynti ba kan iaid bha hapdeng ki khynnah samla, ki khynnah pule bad kiba lah true kiba wad ia ki jingioh kiba suk ia ki jingpynbyrngia kiba ha ki ktien ba bun jait. Katba ka jingpdiang ia ka internet bad ka jingpeit ia ki jingpyni ne ki content da ka digital ka nang iai kiew ha kylleng ka Meghalaya, ki jingshakri bundled OTT kin ai mynsiem ia ka jingpyndonkam jong ki mobile data kiba kham sted katba ki nang pynkiew ia ka kyrdan ia kob jong ka Vi ha ka iew telecom ba nang iai kylla jong ka thain.