Ka Excutive commitee jong ka All Meghalaya Dancers Association (AMDA) ka kitbok kitrwiang ia ka samla shad ka Ïamonlang Kharjana kaba la poi sha ka Top 7 ha ka rynsan iakhop shad Hip Hop India kaba pyni lyngba ki Amazon prime video, MX Player bad kiwei kiwei. Na ka liang ka Excutive Commitee jong ka AMDA ka pynpaw ba ka dap da ka jingkmen ban iohi ia ka samla Ïamonlang halor ka jingtrei shitom jong ka.
Ka AMDA ka pynpaw ruh ba ka Ïamonlang ka la ju shim bynta bun tylli ki rynsan National level TV Show bad ka dei ruh ka samla ba ju jop ha ki competition ne jingiakob ha Meghalaya. Ka kyrmen ruh ba kane ka samla kaba iakhun ia ka Top 7 kan wanrah nam bad burom ia ka jylla Meghalaya, khamtam ia la ka jaitbynriew.“Ym tang katta, hynrei kan long ruh ka jingsngewsarong ia ka thaiñ Mawlai baroh kawei, kumjuh ia ka kur Kharjana, lada kane ka samla ka ioh khur ia ka jingjop ha kane ka jingiakob,” ong u bah Kitbok Thabah, President ka AMDA ha ka kyrwoh jong u.
U bynrap, “Ka AMDA kumba ka ju ai mynsiem ia u samla Steve Jyrwa uba lajop ha ka India Best Dancers Season 4 ka ai mynsiem ruh kumjuh ia ka samla Ïamonlang.”
You may also like
-
Ther u Symbud Myntri ïa Bah Ardent ba pynlong politik halor jingiap khynnah
-
Hapoh ka 2 snem ki liengsuiñ baheh kin sa lah ban hiar ha Shllong Airport
-
Aiti u bah John ïa ki Article 338 bad 338A ha u MP Rajya Sabha ban pynbeit
-
Ka jingkieng blei ba jrong kumba 30 phut ha Mawrah-Rangtmah
-
Da ka duitara rah u rangbah ban tem haba sahmiet sha khlaw, ym da ka mobile