Ka Mahatma Gandhi University (MGU), 13 Mer Tamulikuchi, ka la pynlong ïa ka jingïalang pynkup burom ïa kumba 85 ngut ki samla pule na Ri-Bhoi District kiba la pyndep bad kiba la wan shakhmat ha ki eksamin Under Graduate na ki shlem pule bapher bapher.
Ïa kane ka prokram la pynlong ha Parish Hall, Nongpoh, ha kaba la wan sakhi lang da u Bah Himalaya M. Shangpliang, Nongaibuit jong ka Tnad Pule Puthi ka jylla, kum u kongsan, u MLA ka Nongpoh, Bah Mayralborn Syiem, u Deputy Commissioner ka Ri-Bhoi, Dr. Abhishek Saini, u District School Education Officer, Bah R. Shadap, bad u Vice-Chancellor jong ka Mahatma Gandhi University, Dr. Sagar O. Manjare.
La ïadonlang ruh ki Principal jong ki kolej bapher bapher, ki samla pule, ki nonghikai bad kiwei ki riewpawkhmat.
Ka jingthmu jong kane ka prokram ka long ban ai jingïaroh bad pynshlur ïa ki samla pule kiba la lah ban leh bha ha ka jingpule, bad ban ai mynsiem ïa ki ban nang trei shitom bad ïaid shaphrang ha ka lynti jong ka jingnang jingstad.
Ha kane ka sngi, nalor ka jingpynkup burom ïa ki samla pule, la pynlong ruh ïa ka jingïasyllok kaba ïadei bad ki lad bad ki lynti ban ïaid shaphrang ha ka pule puthi. Khamtam, la ai sam iaki jingnang jingtip sha ki samla halor ka jingpynkhreh ïa ki eksamin Civil Services, ha ka jylla bad ha ka ri.
You may also like
-
Ka jingplie ïa ka Khet Bachao Abhiyan (Rabi) Campaign ha “KVK West Khasi Hills”,
-
Ai jinghikai ka MIDCE ia ki samla ban sngewthuh halor ka ain
-
Pynkup burom ka Shillong Law Kolej ia ka samla pule
-
Shah kawang Petrol Bom ar jaka ha Mawbah, ingkhong ka Scooty
-
Ki Khana Shaphang ki Kynthei Nongrep ha jylla ki wan phai sha ki shnong lyngba ki dur bad ki phlim