U Spokesperson ka Sorkar MDA uba dei ruh u Myntri Sorkar u Marcuise N Marak hynne ka sngi ula pyntip ba ka Sorkar Meghalaya ka la shimkhia halor ka jingshah kynnoh ba la wanrah ka jingshlei um ha ki thain ka Jylla Assam.
Haba kren sha ki lad pathai khubor u Marcuise ula ong ba watla ka Sorkar ka khlem iakren halor kane ka mat haka jingialang ka kynhun Myntri Sorkar hynrei u Myntri Rangbah ka Jylla u Conrad K Sangma ula shim khia halor ka jingshah kynnoh, baka Sorkar Meghalaya kam shimkhia kaba la wanrah ka jingshlei um haki thain khappud Meghalaya-Assam.
“Hoid watla ngi khlem iakren halor kane ka mat ha ka jingialang Kynhun Myntri Sorkar hynrei thikna ba ka Sorkar Meghalaya ka la shim khia ia kata, ngin sa bishar bniah ia kanee ka mat” la ong u Marcuise.
“U Myntri Rangbah ka Jylla un sa leh iaka ba donkam bad thikna ba ka Sorkar kan sa bishar bniah ia kane ka kam” ula bynrap.
Haba kyntait ban jubab, la ka jingshah kynnoh ka long ne em kaba shong khia, u Myntri Sorkar ula ong “Kiei kiei baroh kin sa mih tang hadien bala bishar bniah”.
You may also like
-
Twa khyndew bun jaka ha surok Nongrim, dawa ka CoRP ban pynkhuid mardor
-
Pan jingiarap u MR na ka sorkar pdeng ia ki project kad liengsuin
-
Puk leit tur ki paidbah ha KHADC, 15 sngi ai por ban weng ia u Syiem Langrin
-
Palat 53 hajar ki nongthep vote kim don iing, kyntait 323 ngut ban pynrung kyrteng SIR
-
Khlad iwei ba twa khyndew, julor bun ki iing bad surok ba syllad umsaw